Curso básico de iniciación á informática e á internet para adultos, para formar grupo deberá haber mínimo 6 participantes, será durante os meses de febreiro, marzo e abril, todos os martes ás 8 da tarde na aula de informática (detrás de ABANCA). Todos/as os/as interesados/as acudir o primeiro día de clase, o 10 de febreiro.
O luns día 5 de xaneiro os Reis Magos de Oriente pasarán por Boimorto, visitando primeiro as residencias de maiores; e sobre as 6 da tarde, se o tempo o permite, sairán da Casa do Concello para facer un percorrido polo centro do pobo e rematar no Polideportivo Municipal onde atenderán a todos os cativos.
Coa intención de que sirva de precedente convocamos para o día 10 de xaneiro o I Encontro Arredor dos Cantares de Reis. Contaremos como mínimo coas exposicións de sete amigos dos cantares de Reis e das expresións do folclore que nos darán unha visión destes cantares e costume dende as diferentes culturas peninsulares.
Nin que dicir ten que se trata de xente de recoñecido prestixio no tema e que veñen dispostos a compartir, debater e gozar desta tradición tan nosa e tan de moitas outras culturas.
